शतक बनाउन नसकेकामा पछुतो
आफ्नो जिन्दगीभरको पश्चतापका रूपमा रहेको बताएका छन् । विश्वकपमा अस्ट्रेलियासँग क्वाटरफाइनलमा पराजित भएसँगै मिसवाहको १ सय ६२ एकदिवसीय अन्तर्राष्ट्रिय खेल यात्रा टुंगिएको थियो ।
मिसवाहले ३४ रनमात्र बनाउन सकेपछि पाकिस्तानले अस्ट्रेलियासँग २ सय १३ रनमात्र बनाउन सकेको थियो । जसको कारण अस्ट्रेलियाले १६ ओभरभन्दा अगाडि नै खेल टुंग्याएको थियो । मिसवाहसँगै साहिद अपि|mदीले अस्ट्रेलियासँगको खेलबाट एकदिवसीय क्रिकेट टुंगाए ।
एकदिवसीयमा शतक बनाउन नसक्नु ठूलो पछुतो भएको मिसवाहले बताए । 'शतक बनाउनु मेरो पनि इच्छा थियो, मैले आफ्नो सबै प्रयास लगाएको थिएँ । तर शतक कहिल्यै बनेन । यो निराशाजनक रह्यो तर आफ्नो खेलजीवनमा मैले रमाइलो गरें, त्यसमा म सन्तुष्ट छु ।'
एकदिवसीयमा एउटै शतक नबनाई सबैभन्दा बढी रन बनाउने कीर्तिमान मिसवाहको नाममा छ । उनले ५ हजार १ सय २२ रन बनाए । सन् २०१३ मा च्याम्पियन्स ट्रफीमा वेस्ट-इन्डिजमा द ओबलमा वेस्ट-इन्डिजविरुद्ध ९६ रन बनाउनु मिसवाहको एकदिवसीयमा उच्च स्कोर हो ।
'आफ्नो देशको नेतृत्व गर्न पाउनु साँच्चिकै सम्मान हो,' टेस्ट क्रिकेटलाई निरन्तरता दिने बताउँदै मिसवाहले भने, 'मैले राष्ट्रका लागि सक्दो योगदान दिएँ ।'
Comments
Post a Comment