तेस्रो खेलमा नेपाल २४ रनले पराजित - सुवास र ज्ञानेन्द्रको ओपनिङ जोडी पनि असफल

आईसीसी विश्वकप टी–ट्वान्टी छनोट क्रिकेट प्रतियोगिताको तयारीका क्रममा भारतमा रहेको नेपाली क्रिकेट टोली आफ्नो तेस्रो अभ्यास खेलमा
पराजित भएको छ । हिमाञ्चल प्रदेश ११ सँगको पहिलो र दोस्रो खेलमा विजयी भएको नेपाली टोली तेस्रो खेलमा २४ रनले निरास बन्न पुग्यो ल।
पुनः एकपटक ब्याटिङ नचल्दा नेपाली टोलीले १ सय ३७ रनको सामान्य लक्ष्य पनि पूरा गर्न सकेन। धर्मशाला क्रिकेट मैदानमा विजयी लक्ष्य
पछ्याएको नेपालले निर्धारित २० ओभरमा ७ विकेट गुमाएर १ सय ३ रनमात्रै जोड्न सक्यो। नेपालका लागि सरद भेसवाकरले अविजित ३७
रनको योगदान गरे पछि जिसम्म डोहोर्याउन सकेनन् । यसअघि सुवास खकुरेलले २३, ज्ञानेन्द्र मल्लले १२, पारस खड्काले १० तथा विनोद भण्डारीले ११ रन जोडेका थिए ।

       यस्तै सिद्धान्त लोहनीले ३, राजेश पुलामीले ७ तथा सोमपाल कामीले १ रन जोड्न सके । ओपनिङमा समस्या देखिएपछि आज सुवास
खकुरेलसँगै ज्ञनेन्द्र मल्ललाई सुरुवातमा ब्याटिङ गर्न पठाइएको थियो । तर, खकुरेल र मल्लको जोडी पनि चल्न सकेन । यसअघि करण केसीले ३, सिद्धान्त लोहनीले २ तथा अभिनास कर्णले १ विकेट लिएपछि नेपालले घरेलु टोलीलाई १ सय ३६ रनको मध्यम स्कोरमै रोकेको थियो । प्रतियोगितामा नेपाल २–१ ले अघि छ।