प्रधानमन्त्रीकपको उपाधि जनकपुरलाई !!

प्रधानमन्त्रीकप महिला राष्ट्रिय क्रिकेटको उपाधि जनकपुरधामले जितेको छ। सशस्त्र प्रहरीको एपिएफलाई ५ रनले हराउँदै क्षेत्र नम्बर ५ जनकपुरले उपाधि हात पारेको हो। ४६ रनको झिनो लक्ष्य पछ्याएको एपिएफले १७ ओभर ५ बलमा ४० रन मात्र बनाउन सक्यो। उसका कुनै पनि ब्याट्सवुमनले दोहोरो अंकमा रन जोड्न सकेनन्। जनकपुरकी सन्तोषी चौधरीले ३ तथा सरस्वती चौधरीले २ विकेट लिइन्। 

      यसअघि पहिले ब्याटिङ गरेको जनकपुरले १७ ओभर ३ बलमा ४५ रन बनाएको थियो। यस्तै विराटनगरलाई ७ विकेटले हराउँदै धनगढी तेस्रो भयो। उपाधिसँगै जनकपुरले ५० हजार रुपैयाँ पायो भने दोस्रो भएको एपीएफले ३० हजार तथा तेस्रो भएको धनगढीले २० हजार रुपैयाँ पाएको छ।