पोखरामा पहिलो पटक क्लबस्तरीय लिग क्रिकेट हुन
पोखरामा पहिलो पटक क्लबस्तरीय लिग क्रिकेट प्रतियोगिता हुने भएको छ माछापुच्छ्रे क्रिकेट क्लब पोखराको आयोजनामा साउन १६ गतेदेखि पश्चिमाञ्चलका क्लवहरुबीच लिग क्रिकेट हुने भएको हो। हप्तामा एउटमात्रै खेल हुने उक्त प्रतियोगिता ४ महिनासम्म चल्नेछ। प्रत्येक शनिबार नगर प्रशिक्षण केन्द्र नदीपुरमा खेलाइने खेल राउण्ड रोविनको आधारमाखेलाइने।
बिहीबार पोखरामा आयोजित पत्रकार सम्मेलनमा क्लवका अध्यक्ष दिपेश खत्रीलप्रतियोगितामा ८ टिमको सहभागिता रहने जानकारी दिए। हरेक टिमले अन्य सबै टिमसँग प्रतिष्पर्धा गनुपर्नेछ। नयाँ प्रतिभावान खेलाडीको पहिचान गर्ने उद्धेश्यले प्रतियोगिता आयोजना गर्न लागिएको अध्यक्ष खत्रीले बताए। प्रतियोगिताको उपाधि विजेतालाई नगद १ लाखसहित शिल्ड, मेडल र प्रमाणपत्र प्रदान गरिने छ भने सर्वोत्कृष्ट खेलाडी, बलर, व्याट्सम्यान, फिल्डर र सर्वोत्कृष्ट क्याचरलाई पुरस्कृत गरिने खत्रीले बताए। प्रतियोगिता सम्पन्न गर्न ६ लाख रुपैयाँ खर्च हुने अनुमान गरिएको उनले बताए।
Comments
Post a Comment