श्रीलंकाविरुद्धको एकदिवसीय क्रिकेटमा पाकिस्तान विजयी | Cricket
काठमाडौं, श्रावण ७ । श्रीलंका विरुद्धको एकदिवसीय क्रिकेट शृङ्खला पाकिस्तानले जितेको छ। बुधबार राती सम्पन्न चौथोे एकदिवसीय खेल ७ विकेटले जित्दै पाकिस्तानले श्रीलंकाली भूमिमा शृङ्खला कब्जा गरेको हो। ५ खेलको एक दिवसीय क्रिकेट शृङ्खलाको अन्तिम खेल खेल्नुपर्व पाकिस्तानले ३/१ को जित निकालेको हो।
बुधबार सम्पन्न चौथो एकदिवसीय खेलमा श्रीलंकाले पेश गरेको २ सय ५७ रनको लक्ष्य पाकिस्तानले ४१ औं ओभरमा ३ विकेट गुमाएर पुरा गर्यो। पाकिस्तानका लागि अहमद सेहजादले ९५ रन तथा मोहम्मद हफिजले ७० रनको योगदान दिए।
बलिङतर्फ श्रीलंकाका लसिथ मालिङगा, मिलिन्दा सिरिवर्दना र सुरङगा लक्मलले एक–एक विकेट झारे। यसअघि टस जितेर पहिले व्याटिङ गेको श्रीलंकाले निर्धारित ५० ओभरमा ९ विकेट गुमाएर २ सय ५६ रन जोडेको थियो। श्रीलंकाका लागि थिरिमानेले सर्वाधिक ९० रन तथा तिलकरत्ने दिलसानले ५० रनको योगदान दिए।
Comments
Post a Comment