भारत बलियो स्थितिमा भारत बलियो स्थितिमा | TEST MATCH
गाले, श्रावण २८ - भारत श्रीलंकाविरुद्धको पहिलो टेस्टको दोस्रो दिन बिहीबार बलियो स्थितिमा रहेको छ। भारत आफ्नो पहिलो इनिङ्समा ३ सय ७५ रन बनाएर अलआउट भयो। यसअघि श्रीलंकाले पहिले ब्याटिङ गर्दै १ सय ८३ रन बनाएको थियो। यस्तोमा भारतलाई १ सय ९२ रनको अग्रता प्राप्त भएको थियो।दिनको खेल समाप्त हुँदा श्रीलंकाले आफ्नो दोस्रो इनिङ्स सुरु गर्दै दुई विकेटको क्षतिमा पाँच रन बनाएको छ र गम्भीर समस्यामा फसेको छ। भारतको पहिलो इनिङ्समा शिखर धवनले सर्वाधिक १ सय ३४ रन बनाए। यस्तै कप्तान विराट कोहलीले १ सय ३ रन थपे। पुछारका ब्याट्सम्यान रिद्दीमान साहले ६० रन जोडे।
Comments
Post a Comment